Mange besøker gravstaden for å tenne lys på Allehelgen og vi ynskjer då at dei også skal få høve til å møte opne dører i kyrkjene.
Det vert «Open kyrkje» både i Langevåg kyrkje og Indre Sula kyrkje laurdag 2.november frå kl.16.00-18.00.
Her er det mulig å komme innom, tenne eit lys, be ei bønn eller berre vere stille og lytte til musikk i kyrkjerommet. Det vil vere kyrkjevertar til stades i kyrkja for ein liten prat og ein kaffikopp om det er ynskjeleg. Dersom nokon ynskjer samtale med prest eller diakon kan dette formidlast gjennom kyrkjevertane. Då vil prest eller diakon ta kontakt med vedkomande i ettertid.
Mange stader er det også minnegudsteneste denne helga, der namna på dei som har gått bort siste året vert opplesne. Dette har vi i Sula sokn dei siste åra hatt på søndag i juleveka (29.desember), og slik blir det også i år. Dei som har mista nokon det siste året vil i byrjinga av desember få invitasjon til denne gudstenesta.
Vi ynskjer alle velkommen til kyrkjene våre i høve Allehelgen.
Ønska av mange
Open kyrkje over heile landet allehelgen blei gjennomført første gang i 2019. Ei undersøking utført i etterkant av allehelgen for tre år sidan, viste at 1,7 millioner nordmenn ønska at kyrkjene er opne oftare.
Kyrkjelydane sitt tilbud allehelgen og elles i året står oppført i https://skjerikirken.no/ eller på Sula sokn si heimeside – kyrkja.no/sula.